Nagpaguwa sang pahayag si anay Senador Cynthia Villar matapos mag-viral ang iya alitan sa mga security personnel sang isa ka resort village tungod sa binag-o nga traffic rules sa palibot sang iya balay.
Suno kay Villar, ang kasamtang Home Owners Association board ang una na nga ginpahayag nga ilegal sang Department of Human Settlements and Urban Development (DHSUD)kag Human Settlement Adjudication Commission, kag ang ila desisyon wala sang husto nga patnugot.
Nagtuga ini sang traffic congestion, naga-apekto sa mga residente kag motorista, kag nagapahamtang sang safety risks kag posible nga halit sa propriedad.
Gindugang niya nga dapat may inpormasyon kag konsultasyon sa mga residente, kag ginhingyo ang transparency, due process, kag respeto sa legal nga proseso agud malikawan ang kasubong nga insidente sa palaabuton.
