Cyber Libel nga ginpasaka ni Bea Alonzo batok sa iya anay kabulig, ginbasura

Ginbasura sang Quezon City Prosecutor’s Office ang ginpasaka Cyber Libel case sang aktres nga si Bea Alonzo batok sa iya anay kabulig.

Nahibaluan, ginpasaka sang aktres ang kaso matapos ginaakusahan ang iya anay kabulig nga nagapalapta sang kontrobersiya kun sa diin siya naulamid.

Ginpahayag sang prosecutor nga kulang ang ebidensiya ni Bea rason nga ginbasura ini.

Sa madumduman, una na nga ginpasakaan sang kaso nga cyber libel sang aktres ang showbiz columnist kag digital talk show host nga sanday Cristy Fermin kag Ogie Diaz.