KORONADAL CITY – Napuno sang emosyon ang ginhalad nga misa bilang paghanduraw sa mga napatay kag paghalad sang pangamuyo para sa madasig nga pag-ayo sang mga biktima sang bombing sa Isulan, Sultan Kudarat.
Nahibaluan nga subong nga adlaw , Agust 30, 2018 ang culmination day sang 7th Hamungaya Festival kag 61st Foundation anniversary sang Isulan apang sa baylo nga kadlaw, excitement kag malipayon nga mga musika sa parada ang masaksihan, natal-usan ini sang luha kag silensyo sang ginpatigayon ang misa para sa mga biktima sang pagpasigabong.
Sa interbyu sang Bombo Radyo Koronadal kay Isulan,Sultan Kudarat Mayor Marites Pallasigue, isa ka dako nga hangkat sa mga Isulanon ang nagluntad nga bombing kun sa diin gin-awhag sini ang mga residente nga maghiliusa agud mapadasig ang paghatag sang hustisya sa 3 ka mga napatay kag masobra 30 nga pilason.
Nahilisugtan man sang tanan sa ila banwa nga maghalad sang pangamuyo para sa mga biktima sa baylo nga ipadayon ilabi na ang street dancing competition nga highlight kun tani sang kapyestahan.
Prayoridad subong sang LGU sang Isulan kag sang mga otoridad nga matutukan ang mga survivors kag ang sitwasyon sa ila nga banwa nga yara sa full alert status.
Samtang sa pihak nga bahin may ginpagwa naman nga computerized composite illustration sketch sang isa sa mga bombing suspects kun sa diin yari ang pila sa mga impormasyon:
Sex: Male
Height: 5’6-5’7
Built: Medium
Age: 20-25 years old
Weight: 55-58kgs
Complexion: white
