KORONADAL CITY- Ginpasiguro ni Koronadal City Mayor Eliordo Ogena nga magapatigayon sila sang madalonm nga imbestigasyon kag pasabton ang mga empleyado sang Koronadal City Hall nga nakuhaan sang video sa ginpatigayon nga undercover inspection sang Civil Service Commission.
Nahibaluan nga si CSC commissioner Aileen Lizada ang mismo nga nagpatigayon sang undercover inspection nga tuman sini nga ginkadismaya kun sa diin nakapagkit sang tuman ka damo nga bayolasuon sa Code of Conduct and Ethical Standards sang pila ka mga empleyado sang LGU Koronadal.
Kalakip sa nasambit nga bayolasyon amo ang indi pag-usar sang ID sang mga empleyado, pag-usar sang cellphone sa tunga sang trabaho, wala sang personnel ang information desk kag may naaktuhan pa nga nagabaligya sang alahas nga tuman nga ginkadismaya ni commissioner Lizada.
Samtang wala man nakaluwas ang mga talatapan sa Commission on Higher Education 12 kag Department of Trade and Industry 12 nga may kakulangan sa paghatag sang serbisyo sa mga kliyente sang Bureau of Fire Protection 12 nga wala sang tao sa frontline service desk kag Land Transportation Office 12 nga napamatud-an nga may mga fixers sa gihapon.
Sa nasambit nga mga ahensiya ang Bureau of Jail Management and Penology sang Koronadal lang ang gindayaw sini nga nagasunod sa regulasyon sang CSC..//
