KORONADAL CITY – Ginpakigbahin sang isa ka covid-19 survivor nga si PH 3268 sa banwa sang Banga, South Cotabato ang iya naeksperyensiyahan kag ang mga pagtilaw sa ikaayong lawas antes tigayon nga nag-ayo kag nakarekober sa nasambit nga balatian.
Sa eksklusibo nga interbyu sang Bombo Radyo Koronadal kay retired Col. Larry Salcedo, ginpakigbahin sini ang naeksperyensiyahan kasubong sang isa ka covid-19 patient kasubong sang pagkaangkon sang hilanat, pag-ubo, kag kakulangon sang ginhawa.
Suno kay Salcedo, ginpaidalom ini sa kabug-osan nga 28 ka adlaw nga mandatory isolation makaligad ginkuhaan sang swab tests samtang nagahulat sa resulta.
Ginpahayag pa ni Salcedo nga ginabasol lamang niya ang iya kaugalingon bangud siya lamang ang nagpositibo sa banwa rason nga nagdistansiya ini sa katawhan bangud indi niya luyag nga makalaton sa iban.
Kag sang nabaton na niya ang resulta nga nagpositibo siya, ginhikayan niya lamang ini labi na nga yara na siya subong sa recovery stage.
Nakahanda man suno pa siya nga mag-donar sang iya blood plasma para sa mga nagapangailangan sini.
Ginasiling nga makaligad nagpadulong sa Matina Galleria, nagbiyahe ini sa Ombudsman kun sa diin may nakatupad siya nga babaye nga tuman ang pag-ubo nga posible nga umpisa suno pa sang iya pagkalaton sa covid-19.
