KORONADAL CITY – Ginkakas sang mga health authorities sa siyudad sang Koronadal ang posible suno pa nga paglapta sang coronavirus makaligad napagkit ang pinakauna nga kumpirmado nga kaso sini.
Sa interbyu sang Bombo Radyo Koronadal kay City Health Officer Dr. Editho Vego, yara na sa maayo nga kahimtangan ang 59 anyos nga lalaki nga si PH 3772 makaligad malatnan sang nasambit nga balatian.
Suno kay Dr. Vego, kasamtangan suno pa nga naka-home quarantine ang pasyente kag hugot ang kooperasyon sa quarantine protocols.
Posible suno pa nga nakuha sini ang balatian sa guwa samtang nagabiyahe siya pauli.
Apang gin-ako sang opisyal nga ginatutokan man ang pamilya sini sa posible nga sintomas sang pagkalaton sang covid-19.
Dugang ni Dr. Vego nga igapatigayon ang isa pa ka test sa pasyente kun mangin cleared na bala ini sa balatian.
Madumdoman nga travel of history si PH 3772 halin sa Cebu kag nagbiyahe sa Davao antes nakapauli sa Koronadal City.
