-- ADVERTISEMENT --
KORONADAL CITY– Pagasuguran na sa palaabuton nga Pebrero 14 (Lunes) ang COVID 19 vaccination sa mga nagaedad 5 tubtob 11 anyos sa probinsiya sang South Cotabato.
Ini bangud sa napagkit nga mataas nga datos sang Integrated Provincial Health Office ukon IPHO South Cotabato sang tinalikdan nga semana nga naglab-ot sa masobra 800 nga mga kabataan nga nagpositibo sa virus.
Suno sa IPHO, mas manubo nga dose sang Pfizer vaccine ang iga-bakuna sa mga kabataan.
Kaangot sini ginaawhag sang IPHO ang mga ginikanan nga pabakunahan ang ila mga kabataan kag makig-angot sa tagsa ka mga BHERT.
Ginpasiguro naman sang DOH nga mangin safe ang mga kabataan kag proteksiyon sa mga ini ang pagpabakuna.
