KORONADAL CITY – Ginkakas sang Department of Health ang kabalaka sang publiko labi na sa COtabato City kaangot sa pagpabulong sang mga ini sa Cotabato Regional Medical Center.
Ini makaligad diri napagkit ang una nga kaso sang coronavirus disease nga ginpangalanan nga si PH145.
Bangud diri, madamo nga mga pasyente kag ila nga mga himata ang nagakabalaka nga magpabulong sa nasambit nga balay-bulolngan makaligad napagkit ang una nga positibo nga kaso.
Apang ginpaathag sa Bombo Radyo Koronadal nga si Arjohn Gangoso ang health education and promotion officer sang DOH-12, nga yara sa stable kag maayo nga kondisyon na ang nasambit nga pasyente nga kasamtangan yara sa isolation.
Suno kay Gangoso nga nagapatigayon na subong ang local government sang information drive kag contact tracing labi na sa mga tawo nga nakadungan sini sa eroplano.
Padayon man ang ila panawagan nga magpamati sa mga otoridad labi na sa DOH kag makig-angot sa mga otoridad agud malikawan ang paglapta sang virus.
