Ginpasiguro sang mga OFW’s sa pungsod Japan nga indi dapat ikabalaka ang outbreak sang novel-coronavirus, ilabi na sa nagapabilin nga Diamond Princess cruise ship.
Ini ang ginpakigbahin ni Jim Jude Tarino, isa ka OFW sa Japan sa interbyu sang Bombo Radyo Koronadal.
Suno kay Tarino, ginapasiguro naman sa ila sang Japanese government nga kontrolado nila ang nasambit nga sitwasyon.
Samtang, gapanic buying subong ang mga residente nga makakuha sang mga facemask, makaligad mabalita nga ubos na suno pa ang suplay sang mga ini.
Suno pa, nga wala sang suplay sang facemask sa nasambit nga pungsod kag limitado naman ang pagbakal sang alcohol.
Dugang pa sini nga medyo nagmahal man ang presyo sang nasambit nga produkto, kun sa diin mabakal na ang 60ml nga alcohol sa P200.
Apang sa pihak sini, ginpasiguro suno pa sini nga yara sa maayo nga kahimtangan ang mga Pilipino.
Madumduman duha ang ginbawian sang kabuhi sa sulod sang nasambit nga cruise ship bangud sa balati-an.
