KORONADAL CITY-Ginakabalak-an sa karon sa probinsya sang South Cotabato nga posible nga magdamo na naman ang kaso sang malapnagon nga balatian ang Covid-19 makaligad ang selebrasyon sang Holiday Season. Ini ang ginpahayag ni Dr. Rogelio Aturdido, Jr. Provincial Health Officer sang South Cotabato sa interbyu sang Bombo Radyo Koronadal.
Suno sa Doktor, posible nga basi hinali na lamang nga mag saka ang kaso sang virus bangud sa natabo nga pagtilipon tipon sang tinalikdan nga Holiday Seasons. Ginpahayag sang Doktor nga mabudlay ang mga tao nga nagpadulong sa mga gatherings nga wala nagsuksok sang facemask, wala nag patigayon sang social distancing kag ilabi na ang mga indi bakunado nga indibidwal.
Amo ini ang iya nga kabalak-an nga basi magbalik naman sang tinalikdan nga tuig ang hinali lamang nga pagtaas sang kaso nga kung sa diin nabudalayan naman ang ila nga talatapan bangud wala pa sila sang pang test para sa Covid-19, amo nga padayon ang Doktor sa pag pang awhag sa tanan nga mga pumuluyo sang probinsya nga indi gid mag kumpinsya bangud padayon sa gihapon kita nga nagapangatubang sang malapnagon nga balatian ang Covid-19.
