KORONADAL CITY- Pagapangunahan subong nga adlaw ni Moro National Liberation Front o MNLF chair Nur Misuari ang igapatigayon nga Grand Summit para sa ika 51 ka tuig nga anibersaryo sang grupo.
Sa interbyu sang Bombo Radyo Koronadal kay Cotabato City LGU spokesman Anecito Rasalan, nakaabot na ang mga delegado sang MNLF halin sa Sarangani, South Cotabato, Sultan Kudarat, Maguindanao, Davao, Lanao, Basilan kag iban pa nga mga lugar sa Mindanao kun sa diin isa sa mga highlight man amuh ang ginalauman nga pagtambong ni pangulong Rodrigo Duterte.
Samtang kadungan man sang Grand Summit amuh ang ginalauman nga pagdeklarar sa Cotabato City bilang Zone of Peace nga pagapangunahan mismo ni MNLF chair Misuari.
Isa ka dako nga kadungganan man para sa Cotabato City nga tawgon bilang Zone of Peace sa pihak sang mga pag atake nga napagkit sadto sa nasambit nga syudad kun sa diin mangin dalan ini agud maganyat ang tanan nga maghugpong.
