KORONADAL CITY- Nagpangibabaw ang kaanyag sang Pinay sa ginpatigayon nga Ms. Teen International 2018 sa Phuket, Thailand makaligad ginkoronahan ang 15 anyos nga pambato sang Pilipinas sa prestihiyoso nga beauty pageant.
Nahibaluan nga nasungkit sang 15 anyos nga Grade 9 student halin sa Cotabato City nga si Gemili Vista Tocao ang korona makaligad magpangibabaw sa 46 ka mga kandidata nga naghalin pa sa nagkalain-lain nga bahin sang kalibutan.
Suno sa Pinay beauty, indi ini makapati nga sya ang pagakabigon nga Miss Teen International ilabi na nga tanan nga nakasumpong sini ang mga manyag kag maalam.
Paga-usaron ni Gemili ang iya beauty title agud i promote ang Mindanao kag mas panamion pa ang imahe sini.
Sa nasambit nga beauty pageant, ginkoronahan naman bilang Miss Teen Princess International 2nd runner up si Kiara Pineda sang Venezuela kag Miss Teen Princess International 3rd runner up si Ashmita Dhungana sang Nepal.
