KORONADAL CITY – Ginbuyagyag sang isa ka alkalde sa South Cotabato nga may ara sa gihapon sang pila ka mga contractors nga wala naga conduct sang courtesy sa Lokal nga gobyerno sa ng banwa antes nga magpatigayon sang construction sang ila nga flood control project.
Sa interview sang Bombo Radyo Koronadal kay Mayor Sulpicio Villalobos sang Sto. Niño, South Cotabato, ginpahayag sini nga wala sang insakto nga konsultasyon, kooridnasyon kag courtesy sa LGU ang mga contractor nga nagtukod sang flood control projects sa ila nga banwa antes pa man ini ipatuman.
Suno pa sa alkalde kaisa makibot na lamang ini nga may yara gali sang mga contractors nga may proyekto sa ila nga banwa bangud wala naganotify sa ila nga pamunuan kag ginapahibalo na lamang sa iya kun may problmema ukon natapos na ini kag natalana na nga inug turn-over sa LGU.
Gindugang pa sang alkalde nga dapat nga may mga consultation anay nga pagahimuon antes ipatuman ang proyekto bangud dako man ang mabulig sang mga Flood Control Project sa mga residente.
Nahibaluan nga sang nagliligad nga tuig, isa ka flood control projects sa Barangay Panay sa ila nga banwa ang naguba nga proyekto sang DPWH South Cotabato kun diin nagpatigayon sang pagchekyar ang Barangay Council kag may mga findings na sila nga ginsumiter sa DPWH kag may rekomendasyon.
Nahibaluan nga sa pagkaguba sang Dike sa nasambit nga lugar may mga apektado nga pamilya bangud sa gintuga nga baha kag may mga nahalitan nga pananum sang mga mangunguma.
