Consumption sang manok, nagsaka bangud sa pagsaka sang presyo sang baboy

Nakit-an nga may pagsaka sa consumption sang manok bangud sa padayon man nga pagmahal sa presyo sang baboy.

Suno kay United Broiler Raisers Association (UBRA) president Elias Jose Inciong, lakip man sa ginalantaw nga factor amo ang sunod-sunod nga espesyal nga okasyon kaangay sang graduations kag mga kapistahan sa summer.

Apisar sini, nagapabilin suno sa asosasyon nga estable ang presyo sang manok nga yara sa P180 kag P200 kada kilo ipaanggid sa baboy nga yara naman sa P420 kada kilo.

Base sa monitoring sang Department of Agriculture, ang retail price sang manok ang yara sa P160 kag P220 per kilo. Samtang, ang pork kasim naman ang yara sa P305 kag P380 samtang ang pork liempo ang nagatupa sa P340 kag P420.