KORONADAL CITY – Nagapadayon ang imbestigasyon sang mga otoridad sa pagpamuno -patay sa isa ka construction worker sang kaupod mismo sini sa trabaho sa isa ka bunkhouse sa Purok Bagong Silang, Barangay Carpenter Hill, Koronadal City.
Ginkilala sang mga otoridad ang biktima nga si Henry Del Rosario, 55-anyos, residente sang Davao del Sur, samtang ang suspek ang ginkilala nga si Jessie Benedicto Jose, 60-anyos nga residente sang nasambit nga lugar.
Suno kay PLt.Col. Hoover Antonio, naguwa sa imbestigasyon nga nagluntad ang pagpamuno matapos nga naghulam sang selpon si Jose kay Del Rosario agud magtawag sa asawa sini.
Apang, nag-inaway si Jose kag asawa sini gani sa kaakig ginhaboy sini ang selpon nga ginhulam niya, gani naakig ang tag-iya kag nagsabtanay ang mga ini tubtob naglab-ot sa pagpamuno.
Sa kaakig sang suspek, makatatlo ka beses sini nga ginbuno ang biktima.
Nadala pa sa hospital ang biktima apang dead on arrival na ini.
Sa karon, padayon nga ginapangita sang mga otoridad ang nakapalagyo nga suspek.
.
