KORONADAL CITY – Pagalagson sang Kongreso nga matapos ang consolidated version sang Bangsamoro Basic Law (BBL) subong nga semana.
Ini ang ginpasiguro ni Congressman Pedro Acharon Jr., chairman sang Committee on Local Government sa eksklusibo nga interbyu sang Bombo Radyo Koronadal.
Suno kay Acharon, sang bulan sang Nobyembre 2017 pa sila nagsugod sa pagpatigayon sang hearing sa BBL kun diin apat ka version ang gintalakay sang ila committee.
Aminado si Acharon nga wala nagalayo ang apat ka version sang BBL apang ang nakit-an sini nga pagbag-o ang ginaduso nga 6% nga revenue mapadulong sa Bangsamoro gikan sa national government.
Sa tion nga matapos na ang consolidated house bill pagadiskusyunan ini sang mother committee kag igapresentar sa plenaryo.
Positibo naman si Acharon nga mapasar ang BBL subong nga 17th Congress.
