Nag-resign na si Rossana Fajardo bilang commissioner sang Independent Commission for Infrastructure (ICI), epektibo sa Disyembre 31, 2025.
Sa pahayag nga iya ginpagwa, wala niya ginhingadlan ang rason sang iya desisyon kag wala man detalye kun sin-o ang mangin temporaryo nga magabulos sa iya pwesto.
Gintawag ni Fajardo ang iya tikang bilang isa ka “courtesy resignation,” nga kasagaran ginahimo agud maghatag-dalan sa kun sin-o man ang itudlo sang appointing authority.
Ang iya paghalin nagsunod sa paggbiya ni anay Sec. Rogelio Singson, isa man ka commissioner sang ICI, nga nagbiya sini nga bulan. Para sa iya, ang permanente nga sahi sang komisyon nga may mas daku nga gahum ang mangin epektibo sa pag-suporta sa Office of the Ombudsman sa pagpasaka sang kaso sa mga tawo nga involved sa irregular government infrastructure projects.
