-- ADVERTISEMENT --
Nakatalana nga maglunsar sang nationwide voter education roadshow ang Commission on Elections (Comelec) subong nga adlaw sang Lunes, December 2, 2024.
Ini ang bilang preparasyon sa 2025 National and Local Elections kag Bangsamoro Autonomous Region in Muslim Mindanao Parliamentary Elections.
Kaupod sa roadshow ang mga live demonstration sang automated counting machine (ACM), agud magin pamilyar ang mga botante sa bag-o nga teknolohiya.
May ara man sang tyansa ang mga bag-o nga rehistrado kag dati nga botante nga maeksperensyahan kun pano gamiton ang ACM.
Magadalagan ang nasambit nga roadshow tubotob January 30, 2025.
