Nagpahanumdom ang Comelec sa mga na delist nga mga botante nga may yara lamang sila tubtob Septiembre 30 para ma proseso ang reactivation sang ila registration.
Ginpahayag ni Comelec Chair George Garcia subong nga Sabado, may 5.37 million ka mga tawo ang wala nakaboto sang duha ka sunod-sunod nga eleksyon kag sila karon ang deactivated na.
Wala na sang extension ang registration.
Ang mga luyag mag apply para sa reactivation online ang pwede nga magpakigangut sa official email address sang Offices of the Election Officer nationwide nga available sa official website sang Comelec.
Ginpahayag ni Garcia, ang mga na deactivate nga wala sang tion nga magkadto sa local offices ang pwede nga mag reactivate online pero tubtob lamang ini sa Septiembre 25.
Sa record sang Comelec, masobra 600 mil ka mga deactivated voters ang nag apply para sa reactivation para sa 2025 national kag local elections
