Ginpahayag sang Commission on Elections (COMELEC) nga may 13 ka mga kandidato sa pagka-senador kag 41 ka party-list kag mga political organizations pa lang ang nakapasar sang ila Statements of Contributions and Expenditures (SOCEs) para sa Eleksyon 2025. Subong nga Hunyo 11 ang ginsugo nga deadline sang poll body para sa pagpasar sang SOCE.
Suno kay COMELEC Chairman George Erwin Garcia, ginapaabot sang komisyon nga ang iban pa nga lokal kag nasyonal nga mga kandidato magapasar sang ila SOCEs tubtob matapos ang adlaw sang Miyerkules, Hunyo 11. Ginpabutyag man niya nga wala sang extension ukon dugang nga panahon para sa pagsumiter sang SOCE.
Napahanumduman man ang opisina sang mga senatorial candidates kag party-list pwede magpasar sang ila SOCEs sa Comelec Political Finance and Affairs Department (PFAD) sa Intramuros, Maynila. Samtang, ang mga lokal nga kandidato pwede magpasar sa lokal nga opisina sang COMELEC kun sa diin sila nagsumiter sang ila Certificate of Candidacy (COC).
Ang mga kandidato nga indi makapagsumiter sang SOCE posible kasuhan sang administratibo nga paglapas kag mapatawan sang multa.
Para naman sa mga nagdaog nga kandidato ukon political party, ang indi pagsumiter sang SOCE mahimo magin rason nga indi sila makapungko sa pwesto.
