KORONADAL CITY – Ginpaguwa na sang COMELEC ang updated nga calendar of activities para sa palaabuton nga 2023 Barangay at Sangguniang Kabataan elections (BSKE) nga nakatalana sa Oktubre 30.
Sa interbyu sang Bombo Radyo Koronadal kay Atty. Jay Gerada, Provincial Comelec Supervisor, ginphayag sini nga sandig sa Commission on Elections en banc Resolution 10902, ang election period kag ang pagpatuman sang gun ban ang sa Agosto 28 tubtub Nobyembre 29.
Ang filing sang Certificates of Candidacy (COCs) sa Agosto 28 tubtub Setyembre 2. Humalin Setyembre 3 tubtub Oktubre 18, ginadumilian ang pangangampanya nga kung sa diin ini ang maghatag sang ligwa para sa campaign period sa Oktubre 19 tubtub Oktubre 28.
Ginadumilian liwat ang pagpangampanya humalin Oktubre 29 tubtub Oktubre 30, lakip na ang pagbaligya, pagbakal o pag inom sang mga alcoholic drinks.
Sa tiun naman sang eleksyon sa Oktubre 30, ang casting sang mga boto ang humalin alas-7 sang aga tubtub alas-3 sang hapon. Samtang ang ulihi naman nga adlaw para magfile sang Statement of Contributions and Expenditures (SOCE) ang nakatalana naman sa Nobyembre 29.
