Ginpahayag ni Chairman sang Commission on Elections (COMELEC) nga si George Erwin Garcia nga isa sa mga idugang nila nga feature ukon probisyon sa bag-o nga himuon nga Election Management System (EMS) amo nga may kakayahan na ini nga maka-dugang sang pangalan agud indi na mabudlayan ang poll body kon may pagbag-o man nga himuon sa balota.
Ang Election Management System (EMS) importante sa automated election kay ini ginahanda ang mga materyales kag mga pagpangandam nga kinahanglanon sa halalan.
Sa karon, ang una nga ginhimo kag gingamit nga system indi maka-dugang sang pangalan agud indi ini masamantala nga magbutang na lang sang pangalan basta-basta.
Suno kay COMELEC Chairman Garcia, isa ini ka pamaagi sang poll body agud indi na mabudlayan kon may kinahanglan man nga bag-uhon ukon idugang sa system.
Apang, ginpamatud-an niya nga kon may magwa man nga Temporary Restraining Order (TRO) nga may kalabutan sa pagdiskwalipika sang mga kandidato labi na sa national level, mag-back-to-zero liwat ang komisyon sa pag-imprenta bangud kinahanglan nila ini sundon.
