KORONADAL CITY- May yara sang mga bag-o nga procedures nga igadugang ang talatapan sang COMELEC 12 nga kung sa diin sa pihak sang malapnagon nga balatian sa subong nga tinion igapa strikto gid sa tanan ang pagtambong sa palaabuton nga piniliay nga wala sang mask nga ginasuksok.
Ini ang ginpahayag ni Atty. Renato Magbutay- Regional Director COMELEC 12 sa interbyu sang Bombo Radyo Koronadal.
Suno sa iya, may yara gid sang pagbag-o nga mga butang nga ginahiwat bangud sa nagapadayon nga paglapta sang virus sa subong nga panahon,magahiwat gid sila sang pagpastrikto man sa katawhan agud nga ma-obserbarar sa gihapon ang mga protocols nga ginahiwat sang gobyerno.
Dugang pa sini, nga kung mahimo bawal suno pa ang pagtinipon-tipon ukon pag imbolbar sa nagaginutok nga mga tao agud nga malikawan suno pa ang paglapta sang malapnagon nga balatian nga COVID 19.
Suno pa kay Atty.nga kung tsekyaron ang temperatura antes maggasulod sa mga polling center kag magtaas ang temperatura sang isa ka persona may yara suno pa sila sang ginpreparar nga isolation presinct agud nga didto igabutang ang mga persona nga may yara sang mga makit-an nga sintomas sang COVID, nga kung sa diin apisar nga yara ini sa sulod sang isolation presinct pagahatagan sa gihapon ini man sila sang mga balota agud nga makaboto sa gihapon, ginhiwat nila ini nga klase ka mga protocols bangud luyag lamang man nila nga i-secure ang tagsa-tagsa man agud indi na maglapta pa kag magtaas pa ining kaso sang malapnagon nga balatian.
