KORONADAL CITY – Ginbawian sang kabuhi ang isa ka college student samtang pilason kag under observation naman ang kaupod sini nga driver sang SUV matapos nga mag-overshoot ang ginasakyan nila sa bahin sang Purok Nursery, Barangay Maibo, Tantangan, South Cotabato.
Ini ang ginkumpirmar ni Police Major Ericka Vallejo, acting chief of police ng Tantangan Municipal Police Station sa interview sang Bombo Radyo Koronadal.
Ginkilala ang mga biktima nga sanday Bai Tarhata Pagayawan, ang ginbawian sang kabuhi kag Datu Ajnan Ampatuan Abpi, driver sang salakyan nga lunsay mga yara sa legal na nga edad kag residente sang Cotabato City.
Suno kay Vallejo, naguwa sa imbestigasyon sang kapulisan nga halin sa siyudad sang Tacurong padulong sa Koronadal City ang mga biktima sang pag-abot sa lugar ginlikawan nila ang isa ka motorsiklo gani nadulaan sang kontrol ang driver kag nag-overshoot tubtob nagbaliskad sa kilid sang dalan.
Gilayon naman nga ginbuligan sang mga bystander ang mga biktima kag gindala sa hospital apang gindeklarar nga dead on arrival na ang babaye samtang under observation naman sa karon ang driver.
Gindala na sa siyudad sang Cotabato ang bangkay sang babaye nga biktima samtang nagapabilin sa hospital ang kaupod sini.
Kaangot sini, padayon naman ang panawagan sang Tantangan PNP sa mga motorista nga maghalong kag sundon ang existig nga ordinansa angot sa speed limit agud nga malikawan nga magluntad ang ordinansa.
