Ginatinguhaan ni Gilas Pilipinas head coach Tim Cone nga mapabilin nga masigla kag wala sang injury ang iya mga manunudlo sa ila pagsulod sa FIBA Asia Cup Qualifiers nga pagahimuon sa Pebrero 20 kag 23 sa Taiwan kag New Zealand.
Suno kay Cone, sa mahimo, magapabilin nga hapos lang ang ila mga ensayo agud malikawan ang bisan ano nga injury sang iya mga manunudlo.
Sa masunod nga semana, magapartisipar man ang Gilas Pilipinas sa 2nd International Friendly Basketball Championship nga pagahimuon sa Pebrero 14 sa Doha, Qatar.
Makaatubang nila ang Qatar, Egypt, kag Lebanon sa amo nga kompetisyon.
Isa sa ginaatipan ni Cone amo nga indi mapagod sang maayo si naturalized player Justin Brownlee kag AJ Edu nga bag-o lang nakabangon halin sa injury.
Ginalantaw man ni Cone nga ini nga friendly game sa Qatar kabahin sang ila preparasyon sa FIBA Asia Cup Qualifiers, kun sa diin una nila makaatubang ang Taiwan sa Pebrero 20 kag ang New Zealand sa Pebrero 23.
May malimpyo nga record nga apat ka daog kag wala sang kalutusan ang Gilas Pilipinas sa FIBA Asia Cup Qualifiers.
