KORONADAL CITY – Apisar nga nagapabilin nga zero sa kaso sang African Swine Fever o ASF ang Koronadal City apang padayon nga nagapanugyan ang City Veterinary Office sang Koronadal nga maghalong batuk sa ASF ilabi na sa mga mahuyugon sa lechon subong nga nagsugod na nag Disyembre.
Suno kay Dr. Charliegmagne Calo,City Veterinarian sang Koronadal, apisar nga wala pa sang kaso apang ginpaklaro sini nga nalakip sa pink zone ang siyudad nga naga buot silingon nga high risk sa ASF ang lugar.
Sa sini nga bahin, mas ginpahugtan pa ang monitoring sang ila naman nga mga Animal Quarantien Checkpoints bangud may yara sang pipila ka mga indibidwal nga naga hana pa nga mag plusot sang mga karne nga baboy kag pork-by products sa Koronadal.
Gindugang pa sini nga nagapreparar man sila kung may yara sang posibilidad kung makasulod ang ASF sa siyudad- sa pihak sini may mga tikang na sila nga ginahimo kag pre-emptive measures, isa na diri amo ang i undergo ang isa ka babaoy gilayon sa culling ang baboy bangud nahibaluan nga wala gid makatapna o kun bulong ang nasambit nga balatian.
Ginhatagan man sang ligwa ni Calo nga ginahimo sang City Veterinary Office ang tanan agud nga indi makalusot ang ASF sa Koronadal.
