Nagapadayon ang assessment kag pagkay-o sang City Engineering agud masolusyunan ang pagkahugno sang duta sa boundary sang Brgy. Topland kag Brgy. Sta. Cruz, Tampakan.
Sa interview sang Bombo Radyo Koronadal kay Mr. Cyrus Urbano, City Disaster Risk Reduction and Management Office, ginpahayag sini nga nakig-coordinate na ang City Disaster Risk Reduction and Management Office (CDRRMO) sa LGU Topland kag MDRRMO Tampakan agud aksyonan ang porsyon sang duta nga nahugno kag delikado sa mga motorista.
Ginpaathag niya apektado ang mga kasubong nga imprastruktura bangud sa mabaskog nga current sang tubig.Sa karon, gin-inspeksyon na ini sang provincial office, kag ginpahayag nga ginahimo na ang mga aksyon may kaangtanan sa nasambit nga pagka hugno sang duta.
Sa karon, nagaapela ini sa mga dalagko nga salakyan nga likawan na lamang anay ang pag-agi sa nasambit nga dalan agud malikawan ang disgrasya.
