KORONADAL CITY – Ginpasakaan na sang kaso nga Robbery sang Criminal Investigation and Detection Group (CIDG) ang pila ka mga katapo sang LGU Banga nga responsable sa pagpanghakwat sang pila ka mga Small Town Lottery (STL) Booth sa banwa sang Banga
Ini ang nangin pahayag ni South Cotabato Governor Reynaldo Tamayo Jr. sa interview sang Bombo Radyo Koronadal.
Suno sa gobernador, wala sang legal nga basehan ang ginhimo sang LGU-Banga bangud regulated sang National Government pinaagi sa Philippine Charity Sweepstakes Office (PCSO) ang mga Small Town Lottery (STL) Booth sa banwa sang Banga.
Madumduman nga nagpanindugan ang lokal nga gobyerno sang banwa sang Banga , South cotabato nga legal ang ila basehan angot sa pagpatuman sang ordinansa may kaangtanan sa operasyon sang Small Town Lottery (STL) sa ila nga banwa.
Ini ang nangin pahayag ni Banga Councilor Mario Madero sa interview sang Bombo Radyo Koronadal.
Suno sa opisyal, ginahimo lamang suno pa sang mga ini ang naga kaangay nga himoon base man sa ila nga madato kag kapasidad bilang miembro sang lokal nga panggenobyerno.
Dugang pa sini, kampante man siya nga valid ang resulta sang ila nga ginpapag-on nga ordinansa kag magpabor sa ila nga desisyon nga ipaguwa san Sangguniang Panlalawigan sang South Cotabato.
Ginpaathag man sini nga wala na sila sang kaangtanan sa pagpangbaklas kag pagpangpasara sang mga booth sang Small Town Lottery (STL) sa ila nga banwa bangud responsibilidad na ini sang alkade sang banwa sang Banga sa diin may gahom man nga magpatuman sang natabo nga pagpangbaklas.
Madumduman nga nagpatigayon na sang hearing sang Sangguniang Panlalawigan (SP) , Local Government Unit (LGU) Banga, Philippine Charity Sweepstakes Office (PCSO),kag JY Archer sa nasambit nga issue.
Nakadepende naman suno pa sa desisyon sang SP sang South Cotabato ang desisyon sa nasambit nga butang kag nagpahayag ini nga ginahimo lamang nila sa Sangguniang Bayan sang Banga ang nakita nila nga maayo para sa ila nga mga pumuluyo.
