KORONADAL CITY – Gin-awhag ni Human Rights 12 Director Erlan Deluvio ang mga katapo sang Philippine National Police ilabi na sa Isulan, Sultan Kudarat kag iban pa nga mga law enforcement agency nga ipatuman ang mas istrikto nga seguridad sa lugar.
Ini ang kasunod sang nagluntad nga pagpasigabong sang Improvised Explosive Device sa Carlitos restaurant sa Brgy. Kalawag II , Isulan Sultan Kudarat nga ginkapilas sang 18 ka tawo.
Dugang pa ni Deluvio nga dapat indi suno pa anay magpakampante kag mangin relax ang mga otoridad sa pagpatuman sang seguridad ilabi na sa pagbantay sa mga checkpoints kag paglibot sa lugar ilabi na nga ini na ang ikatatlo ka bes nga nalusutan sila sang bomba.
Ginkondinar naman sang CHR ang nasambit nga panghitabo kun sa diin gintawag man ini nga act of terrorism kag kinahanglan nga mahatagan sang hustisya ang mga biktima.
