KORONADAL CITY- Magapatigayon sang separar nga imbestigasyon ang Commission on Human Rights XII(CHR-12) angot sa pagkapatay sang isa ka menor de edad sa isa ka operasyon nga ginlunasar sang mga otoridad batok sa mga suspek nga subject sang “mandamiento de arresto” sa diin upod sang menor de edad sang tion sang operasyon sa bahin sang Sitio Ebenezer, Brgy. Rang-ay , Banga South Cotabato.
Ini ang nangin pahayag ni Atty Keysie Gomez, OIC-Regional Director sang CHR-12 sa interview sang Bombo Radyo Koronadal.
Suno sa iya, maga padayon sang separar nga imbestigasyon ang ila nga talatapan sa ginlunsar nga operasyon sang otoridad kun may ara sang kapaslawan ang PNP sa nasambit nga issue para mahatagan sang hustisya ang pamilya sang biktima nga naga apela sang bulig sa ila nga talatapan.
Gipahayag pa sini, willing ang pamilya sang menor de edad nga ipa-autopsy ang lawas sang biktima para sa imbestigasyon nga igapatigayon.
Dugang pa sang opsiyal, makita man nga pursigedo ang pamilya nga magpasaka sang kaso batok sa raiding team.
Ginpasiguro man sini nga magabulig ang CHR-12 sa pagpasaka sang kaso batok sa PNP kun mapamatud-an nga may kapaltaha ang ila nga ginhiwat nga operasyon.
Sa subong gina-sekyar pa sang komisyon ang mga documento nga kinahanglan para sa pag-lunsar na sang imbestigasyon angot sa kaso.
Kun madumduman, napatay ang ang isa ka menor de edad nga gina alegar sang PNP nga nagbato sa diin nakuhaan suno pa sang armas-luthang sang mga otoridad sa posisyon sini.
Hugot naman nga gin panginwala sang pamilya ang alegasyon kag nagpanindugan nga wala sang ikasarang ang biktima sa pagbato sa mga kapulisan kag suno pa planted ang mga ebidensiya.
