Gintawag ni Senate President Francis “Chiz” Escudero nga “unbecoming” ang mga tinaga nga ginpangbuy-an ni Vice President Sara Duterte batok kay President Marcos “Bongbong” Jr., sang Sabado, Oktubre 19, 2024.
Ginpunto sang senate president nga ang ginhimo ni Duterte wala nagakaigo para sa bisan sin-o, ilabi na sa mga pampubliko nga mga opisyales nga maggamit sang malaw-ay nga halambalon sa tion sang isa ka live-streamed nga press conference nga mahimo tan-awon sang mga menor de edad.
Sa isa ka press conference nga gintiguluhan nga “Drag Me To Hell”, gin-akusar ni Duterte ang Marcos administration nga ginahungod sia dumtan kag gina paagi ini sa Kamara sa pagtan-aw sa iya ginaalegar nga irregular nga paggasto sang confidential funds sang Office of the Vice President (OVP) kag sa Department of Education (DepEd), nga iya ginpangunahan.
Magluwas diri, ginkabig man ni VP Duterte nga isa ka “incompetent leader” si Marcos nga luyag niya utdon ang ulo.
Nagpamahog man si Duterte nga ihaboy ang bangkay sang amay nga si anay President Ferdinand Marcos Sr. sa West Philippine Sea kon magpadayon ang mga pag-atake batok sa iya.
Apisar nga ginkumpirmar na sang pagpakigbahin ni Duterte sang mga malain nga mga tinaga nga nagguba na ang ila alyansa ni Marcos sang 2022 National Elections kon sa diin ginbitbit sang duha ang plataporma nga “unity”, ginaluman ni Escudero nga may matabo nga “political reconcillation” kaangay kanday anay VP Leni Robredo kag sa presidente sa pagbukas sang sports arena sa Sorsogon.
