Nagpanawagan si Chinese Ambassador Huang Xilian sa Pilipinas kag China nga magbalik-dialogo kag pamatian ang pumuluyo nga pili-on ang kooperasyon imbes nga away.
Ang amo nga pahayag ni Huang ang ginhimo sa pagselebrar sang ika-50 nga anibersaryo sang diplomatikong relasyon sang duha ka pungsod sang Sabado, Hunyo 7.
Nagtambong sa ginpatigayon nga okasyon sanday Presidente Ferdinand Marcos Jr., mga senador, mga lider sang negosyo, kag mga representante sang Filipino Chinese community.
Apang, samtang nagapahayag siya, padayon gihapon ang tensyon sa West Philippine Sea (WPS), kun sa diin permi ginalapas sang China ang eksklusibo nga economic zone (EEZ) sang Pilipinas kag wala pa gihapon ginakilala ang 2016 arbitral ruling nga pabor sa Pilipinas.
Sa idalum sang administrasyon ni Marcos Jr., nagin mas mabakod kag bukas ang posisyon sang pungsod sa pagpanalipod sang soberanya, samtang nagapadayon ang presensya sang mga barko sang China kag paggamit sang water cannons batok sa mga Pilipino nga mangingisda.
Suno kay Huang, ang Pilipinas kag China mga kasikbit nga kasilingan nga indi mahimo pagbulagon.
Nagalaum ang China nga mas madamo pa nga Pilipino ang mag-aupod para ayuson ang relasyon sang duha ka pungsod.
Sa piyak nga bahin, nagapangduha-duha naman si Defense Secretary Gilberto Teodoro Jr. ang pagkamatinlo sang China sa isyu sang dialogo, pagkatapos sang militarisasyon sini sa mga ginahingyo nga teritoryo.
