China may plano nga manghilabot sa election sang Pilipinas – suno sa national security council

Ginbuyagyag sang National Security Council (NSC) nga may plano ang China nga manginlabot sa eleksyon sang pungsod sa bulan sang Mayo.

Ginpahayag ni NSC Assistant Director General Jonathan Malaya nga may mga indikasyon kag impormasyon nga may ginahimo nga operasyon ang China diri sa pungsod.

Dugang pa niya, may ginapaboran nga kandidato ang China nga gusto nila nga magdaog, gani magahimo sila sang paagi nga manginlabot sa eleksyon.

Wala niya ginpangalanan kun sin-o ang yara sa likod sini bangud nagaamit ini sila sang mga third party individuals kag mga lokal nga proxy diri sa pungsod.