KORONADAL CITY- May chansa nga magsali man ang China sa Russia sa tion nga maagrabyado ang Russia kun salihan sang iban nga mga pungsod kag balabagan ang invasion sang Russia sa Ukraine.
Ini ang nangin panan-awan ni Prof.Juharto Demalin, RMMC Professor sa interview sang bombo Radyo Koronadal.
Suno sa iya,bangud parehas nga komunista nga pungsod ang China kag Russia , dako ang ang posibilidad nga intrahan man ini sang China.
Sa tion nga ini ang matabo, makahaladlok gid ang scenario nga mahimo magluntad bangud may ara nga daan sang bomba nuklear ang Russia kag China.
Gin dugang pa sini , bangud indi maayo ang relasyon sa tunga sang China kag US , dako ang tsansa nga tilawan man sang China ang kakusog kag kapabilidad sang US kag ang bilog nga NATO kag UN.
