Ginkumpirma sang Philippine Coast Guard (PCG) nga nagpatigayon sang dangerous maneuver ang barko sang China Coast Guard sang bunggoan ang BRP Teresa Magbanua nga naka-angkorahe sa Escoda Shoal sang Sabado, Agusto 31.
Suno kay Commodore Jay Tarriela, spokesperson for The West Philippine Sea, ginhungod ang ginhimo nga pagbunggo sang CCG 5025 sang mag-maniobra nga nagresulta sa direkta nga pagbunggo sa unahan nga bahin sang BRP Teresa Magbanua.
ala na man sang napilasan sa sakay sang BRP Teresa Magbanua samtang may gamay nga damage na man sa barko.
Ginapatihan nga may gamay man nga damage ang nagbunggo nga CCG 5205.
Ang nasambit nga insidente ang nakuhaan sang video nga gin-presentar ni Tarriela.
Sa pihak sang klaro nga video sang insidente, nagpaguwa na gilayon sang pahayag ang China Embassy sa Manila nga ang BRP Magbanua sang PCG ang nagbunggo sa isa ka barko sang CCG.
Una na nga gin pahayag ni Tarriela sa interview sang Bombo Radyo Koronadal nga magapabilin nga diplomatic ang approach sang Pilipinas sa tunga sang tension sa bahin sang West Philippine Sea (WPS).
Suno pa sa iya, sang himoon ang Pilipinas nga butang nga maka kontribwer sa pag escalate sang tension sa gina-agawan nga territoryo.
