Chile gin-igo sang magnitude 7.4 nga linog

Gin-igo sang magnitude 7.4 nga linog ang northern Chile kag wala naman sang tsunami warning, suno sa United States Geological Survey.

Nakahamtang ang epicenter sang tremor sa 164 miles (265 kilometers) east sang coastal city sang Antofagasta, kag may kadalumon nga 78.5 miles (126 kilometers).

Nahibaluan nga ang Chile ang nahamtang sa Pacific “Ring of Fire,” isa ka arko sang intense seismic activity gikan sa Japan pinaagi sa Southeast Asia kag Pacific basin.

Madumduman nga snag tuig 2010, ang 8.8-magnitude nga linog ang nangin tuna-an sang tsunami sa diin nahalitan ang bilog nga lugar sa nabagatnan kag sentro sang pungsod kag nagresulta sang pagkamatay sang 520 ka mga tawo.