KORONADAL CITY- Nagdeklarar ang banwa sang Mlang, North Cotabato sang chikungunya outbreak kasunod sang pagsaka sang numero sang naigo sang balatian sa Barangay Poblacion lamang sang nasambit nga banwa nga naglab-ot sa 50 katawo humalin lamang sang tinalikdan nga semana.
Ginpahayag sa isa ka interview ni Dr. Glecerio “Jun” Sotea, Health Officer sang Mlang nga ginkunfermar sang Regional Institute Of Tropical Medicine (RITM) nga chikungunya ang nag-igo sa mga pasyente matapos ang ila ginpatigayon nga eksaminasyon sa ila mga blood sample.
Kaangot sini, nabalaka naman ang lokal nga gobyerno nga magsala pa ang kaso sang chikungunya bangud madamo nga mga residente nga nagapadulong sa health center nga nakitaan sang sintomas sang nasambit nga balatian gikan sa lamok.
