Napatay ang Chief of Staff sang Armed Forces sang Iran nga si Abdolrahim Mousavi, upod ang pila ka matag-as nga opisyal sang militar, kasunod sang pag-atake sang Estados Unidos kag Israel batok sa Iran.
Suno sa listahan nga ginpagwa sang state TV, upod man sa mga napatay sanday Defense Minister Aziz Nasirzadeh, Revolutionary Guards chief Mohammad Pakpour, kag defense head Ali Shamkhani.
Nagluntad ang mga nasambit nga strikes ukon pag-atake samtang ginahiwat ang “defense council meeting” bilang pagpreparar batok sa pag-atake sang US kag Israel.
Sa iban nga airstrike naman, napatay man ang Police intelligence chief sang Iran nga si Gholamreza Rezaian.
Kasunod sini, naglunsyar ang Iran sang bag-o nga missile kag drone attacks nga nagatarget sa mga military base sang US sa rehiyon kag sa Israel bilang balos sa malapnagon nga pag-atake sang duha ka pungsod, nga ginreport nga nagtuga sang kamatayon sang ila Supreme Leader.
Lakip sa mga gintarget ang 27 ka base sang US sa rehiyon, military headquarters sang Israel, kag isa ka defense industries complex sa Tel Aviv.
