Nalipay kami kag nagapasalamat sa bulig sang mga kapulisan sa nangin madinalg-on nga pag dakop sa suspek bangud sa pag kidnap sang lapsag.
Ini ang nangin pahayag ni Eleuterio Nodado, Chief of Provincial Security Unit – South Cotabato sa interiview sang Bombo Radyo Koronadal. Suno kay Nodado, kung lantawon suno pa ang suspek sa personal daw wala ini sang deperensya kag matarong man kung istoryahon. Apang, didto na niya na intindihan nga nag siling ang upod niya nga doktor nga may problema ang suspek rason nga nahimo ang pag kidnap sa lapsag.
Dugang pa kay Nodado, dako ang kalipay sang mga ginikinan sa tion nga nabalik kag nakita na ang ila nga bata kag mismo man sila nalipay man sang makita na ang lapsag.
Ini suno pa ang una nga beses nga natabo sa South Cotabato Provincial Hospital nga may lapsag nga gin kindap.
Ginasigarado naman ni Nodado nga mas mapa hugtan pa nila ang pag bantay sa nasambit nga hospital agud nga indi na maliwat ang natabo nga insidente sang pag pang kidnap.
