Chief Justice Sereno, di malayo nga mangin kasubong kay ex-Chief Justice Corona; ebedensiya nagakaigo

KORONADAL CITY- Gintawag nga overwhelming ni Koronadal City Vice Mayor Atty. Eleordo Ogena ang mga ebedensiya batuk kay Chief Justice Ma. Lourdes Sereno.

Kun sa diin ginpahayag sini nga iya nakit-an bilang isa ka abogado nga dako ang posibilidad nga mapahalin ini sa pwesto.

Magluwas diri, indi man suno pa malayo nga matulad ini kay anay Chief Justice Renato Corona.

Suno sa bise alkalde, ang proseso sang impeachment ang magkasubong nga political kag legal apang mas mabug-at sa gihapon ang political rason nga bulubantayan suno pa ang nasambit nga isyu.

Kaangot sini, posible naman suno pa nga makaangkon sang political crisis sa pungsod kun padayon nga magpalatig-a si Sereno sa Impeachment proceedings.