Nagpahayag sang kabalaka ang Commission on Higher Education (CHED) angot sa padayon nga pagsaka sang unemployment kag mismatch skills sang mga bag-o nga graduates sa kinahanglan sang industriya.
Ginpahayag ni CHED Chairperson Dr. Shirley Agrupis nga indi dapat balewalaon ang problema.
Base sa datos sang Department of Labor and Employment (DOLE), yara sa 3,364 lang sa 25,876 job seekers ang mga nadawat sa mga job fair sang Enero 2025.
Suno pa sa CHED, madamo sa mga nagtapos ang yara sa manubo nga klase sang trabaho nga wala nagakinahanglan sang degree, samtang kulang sa gihapon ang mga industriya sa skilled workers.
Bisan pa manubo ang underemployment base sa datos sang Philippine Statistics Authority (PSA), ginpahayag ni Agrupis nga ini ang nagapakita sang mas madalom nga problema sa estruktura sang labor market.
Bangod sini, gintukod sa karon sang CHED ang mga reporma agud himuon nga bag-o kag patas ang sistema sang edukasyon sa pungsod.
