-- ADVERTISEMENT --
Nagmadinalag-on ang Boston Celtics kag wala ginpaslaw ang home crowd fans sang makuha ang Larry O’Brien Championship Trophy, makaligad nga ginlutos ang kasumpong nga Dallas Mavericks.
Ini na ang panibag-o nga kampiyunato nila humalin sang tuig 2008.
Sa umpisa pa lamang, nangin agresibo na ang Celtics sang makapasulod sang 28 batuk sa 18 lamang sang Mavs.
Sa second quarter, mas naglayo pa ang abanse sang Boston nga may 39 points samtang nabilin sa 28 ang Dallas.
Naghuyang ang shooting nila sa second half, apang naglabaw sa gihapon sa puntos.
Nabatyagan naman sang crowd ang suporta sa kada sulod sang tira sang Celtics, labi pa nga sa TD Garden sa Boston ginpatigayon ang Game 5 sang NBA Finals.
Nagtakop ang score sa 88-106, pabor sa Boston Celtics.
