Ginabantayan sang Catholic Bishops’ Conference of the Philippines (CBCP) ang pag-uswag sang impeachment trial sa Senado, suno kay Episcopal Commission on Inter-Religious Dialogue head Bishop Jose Colin Bagaforo.
Suno sa iya, aktibo nga ginabantayan sang Inter-religious Leaders’ Council for National Transformation, nga ginabug-usan sang Simbahang Katoliko kag iban pa nga religious groups, ang mga sosyal nga isyu lakip na ang impeachment trial.
Ginpahayag ni Bishop Bagaforo nga nagapabilin ang tindugan sang Simbahan nga dapat mapanabat ang bisan sin-o nga ginakabig nga nakahimo sang sala, anuman ang iya posisyon.
Ginpaklaro man niya nga wala nagakondenar ukon nagasuporta ang Simbahan sa bisan kay sin-o nga opisyal.
Sa baylo, gin-agda niya ang publiko nga pabay-an nga magpadayon ang konstitusyonal nga proseso sang impeachment, agud maprayoridad ang hustisya kag accountability.
