Ginbatikos sang Catholic Bishops’ Conference of the Philippines (CBCP) ang Philippine Amusement and Gaming Corporation (PAGCOR) tungod sa pagdamo sang online gambling.
Sa sulat mismo ni CBCP president Cardinal Pablo Virgilio David kay PAGCOR chairman Alejandro Tengco, ginpahayag nga wala sing pulos ang kita sang gobyerno kung ini magadulot lang sang pagkaguba sang kabuhi kag pamilya bangud sa pagkaadik sa online gambling.
Indi dapat manguna ang kita sa moral nga obligasyon nga nagaproteher sa kaayuhan sang tanan.
Una nga ginpahayag ni Tengco nga kon tuluyan nga ipahamtang ang pagdili sa online gambling, madamo nga kita sang gobyerno ang madula.
Madumduman nga ang CBCP isa sa mga grupo nga nagapanawagan sa gobyerno nga dapat tapuson na gid ang online gambling tungod sa mga negatibo nga epekto sini.
