Mangin isa ka grand reunion sang mga beauty queens ang line-up sang mga hosts sa coronation night sang BB. Pilipinas 2024.
Ini amo sanday Miss Universe 2018 Catriona Gray, Miss International 2016 Kylie Versoza, Miss Universe 2014 top 10 finalist Mary Jean Lastimosa, Miss Grand International 2016 1st runner-up Nicole Cordoves, kag Miss World 1993 2nd princess Ruffa Gutierrez.
Natalana ang coronation para sa ginbansagan nga the most beautiful night in the Philippines sa Hulyo 7 sa Smart Araneta Coliseum.
Ini na ang ika- 60 nga edisyon sang BB. Pilipinas kun sa diin 40 ka mga kandidata ang magapaindis-indis para sa BB. Pilipinas International kag BB. Pilipinas Globe titles.
P1 million pesos kada isa ang batunon sang maswerte nga Binibinis nga makakuha sang korona.
