Ginpahayag ni anay Supreme Court Senior Associate Justice Antonio Carpio nga mahimo lang ma-apply ang treason kon ang Pilipinas yara sa panahon sang gyera ukon kinagamo.
Ini ang sabat niya matapos magpahog si Sen. Rodante Marcoleta nga idemanda siya sang treason bangud sa iya ginpang-sulat nga desisyon sang 2011.
Suno kay Carpio, bisan first year law student pa lang, kabalo na nga indi mahimo ang treason sa panahon nga wala sang gera.
Suno sa iya, klaro ini sa Article 114 sang Revised Penal Code.
Sa kaso sang Magallona vs. Ermita, ginpahayag ni Carpio nga gusto sang kampo ni Magallona nga isulod bilang teritoryo sang Pilipinas ang tanan nga isla kag katubigan nga sakop sang 1898 Treaty of Paris lines.
Apang, suno kay Carpio, klaro nga paglapas ini sa United Nations Convention on the Law of the Sea (UNCLOS) kag sa kasagaran nga international law kon sobra sa 12 nautical miles ang ilakip sa territorial waters sang Pilipinas.
