KORONADAL CITY- Nahulog sa kamot sang mga kapulisan sa banwa sang Tantangan South Cotabato ang isa ka gina-alegar nga Carnapper.
Ini ang gin kumpirma sa Bombo Radyo ni PMaj. Randy Apostol, COP sang Tantangan MPS sa interview sang Bombo Radyo Koronadal.
Ginkilala sang Tantangan MPS ang suspek nga isa ka Abdul Gayan, yara sa legal nga edad kag residente sang Silway, General Santos City.
Sa imbestigasyon sang mga otoridad, nagpangayo sang bulig sang kapulisan sa Polomolok MPS para ma-track down ang isa ka gina alegar nga carnapper sa Polomolok agud mga indi na makapambiktima pa.
Insakto naman nga naga patigayon sang Checkpoint ang Tantangan MPS sa atubangan sang munisipyo sang hinali na lamang na -spatan ang suspek kag ang motor nga nag sebo sa description sang kapulisan sa Polomolok.
Madasig naman nga gin para ang ginaalegar nga suspek kag ginkustodiya sang Tantangan MPS dala na ang ginasakyan sini nga motor.
Sa karun ginaprepar na ang naga kaigo nga kaso para sa nadakpan nga suspek.
Gina hibalo naman sa subong kun may grupo ukon kaupdanan pa ang nasambit nga suspek.
