Natalana nga mag-atubang kay Pangulong Ferdinand Marcos Jr. si double olympic gold medalist Carlos Yulo kag iban pa nga Filipino olympians sa Malacanang sa palaabuton nga Martes, August 13, 2024.
Magaabot ang grupo ni Yulo sa Martes sang hapon sa Villamor Air Base kun diin pagasug-alawon sila sang ila tagsa ka pamilya.
Suno sa Presidential Communications Office, pagahatagan sang heroes parade ang mga atleta nga magasugod sa PICC sa Pasay City kun diin pagaagyan nila ang iban nga lugar sa Maynila kag magatakop sa Malakanyang.
Pag-abot sa Malacanang, pagasug-alawon ni Pangulong Marcos, First Lady Liza Araneta Marcos kag First Family ang mga atleta kun diin pagahatagn sila sang pasidungog kag insentibo para sa ila nga kontribusyon sa Philippine sports kag nangin performance sa 2024 Paris Olympics.
