Ginpangunahan sang Filipino Cardinal nga si Luis Antonio Tagle ang ikaapat nga recitation sang rosaryo bilang handum kay Pope Francis..Nagluntad ini sang Huwebes sang gab-i (oras sa Roma) sa Basilica of Saint Mary Major sa Rome.
Nabatian nga upod si Cardinal Tagle sa ginakabig nga mga malapit kay Pope Francis.
Isa man siya sa mga mataas nga opisyal sa Vatican bilang pro-prefect sang Dicastery for Evangelization.
Ang panagamuyo kabahin sang serye sang mga pangamuyo nga ginahiwat sa nagkalain-lain nga simbahan sa Roma bilang pagpanghanda sa paglubong sang lider sang Simbahang Katolika.
Si Tagle ang ginakabig sang pila nga posible mangin masunod nga Santo Papa.
Ari ang mga ngalan nga ginalantaw nga posible magbulos bialgn santo papa:
Cardinal Luis Antonio Tagle (Pilipinas) – Kilala bilang “Asian Francis,” may madalom nga pastoral nga eksperyensya kag malapit ang panan-aw sa mga isyu sang katilingban kag migrasyon pareho sang yumaong Santo Papa.
Cardinal Jean-Marc Aveline (France) – Archbishop sang Marseille, kilala sa iya repormistang panan-aw kag ginatandaan bilang “John XXIV” bangud sa pagkasuod sang estilo kay Pope John XXIII.
Cardinal Peter Erdo (Hungary) – Isa ka compromise candidate halin sa konserbatibo nga kampo, apang may lapad nga koneksyon sa progresibo nga kalibutan ni Pope Francis.
Cardinal Mario Grech (Malta) – Secretary General sang Synod of Bishops, tagadala sang mga reporma ni Pope Francis sa sulod sang Simbahan.
Cardinal Juan Jose Omella (Spain) – Archbishop sang Barcelona, kilala sa iya mapisan kag mapinagpana nga pamatasan, kag pagpanguna sa katarungan panlipunan.
