Gintigayon kahapon nga adlaw sang COMELEC ang Candidates’ Briefing and Covenant Signing para sa mga kandidato sang 2025 National and Local Election sa syudad sang Koronadal.
Ini ang ginpangunahan ni City Election Officer Atty. Maleiha Usman-Loong kaupod ang nagkalain-lain nga agencies sa syudad.
Ginganyat ni City Comelec Officer Atty. Maleiha Usman-Loong ang mga kandidato nga sundon ang mga panuntunan sang Comelec base sa mga probisyon sang Omnibus Election Code agud malakilaw sa bisan ano nga aberya.
Gintagaan sang talungpangod ang importansya sa pagsunod sang tama nga proseso sang mga kandidato kalakip sang pagsunod sa tama nga size sang campaign materials kag kung sa diin ini pwede igabutang na mensyonar man diri ang pagdumili kag pagpauntat sang pagbakal sang boto ukon vote buying nga isa sa mga posible nga magakatabo sa palaabuton nga eleksyon.
Isa-isa man nagpirma ang mga kandidato sa kasugtanan agud magin isa ka simbolo sang ila pagsunod sa malimyo kag maluwas nga palaabuton nga eleksyon
